قصائد مكتوبة لجابر الكاظمي

[صبر الفؤاد]

[جــــديد محرم 1427 ه]
إصدار وحي القوافي
صلى عليك


صلى عليك مليكُ السماء
جسمٌ صريعٌ في العراء مقطعُ الاعضاء
سليب حسين
غريب يا حسن
*****
مو آية وحدة بهذي نزلت آيات
بيها الكتاب يصرِّخ
شما بالسما و الأرض من مخلوقات
بسم الإله تسبِّح
بمعناها يشعر عالم الموجودات
باليحزن و باليفرح
و بهالشعور عليك ناحت كل ذات
وادي الطفوف يوضّح
بكى عليك ضميرُ الجماد
ثم ارتدى ثوبَ الحداد يا مُبكي الأطواد
عجيب حسين
غريب يا حسين
*******
أول صواب الحجر لمن صابك
ذاك الجبين اتهشّم
هذا الحجر ظل ينحب على مصابك
و أصبح جبينك مأتم
سهم المثلث سِجَد يم أعتابك
أدى التحية و سلَّم
و من صوب چبدك ظل يحن لصوابك
ألّمك و هو تألم
شابت عليك رؤوس النبال
و بكتك صالية القتال من محجرٍ هطّال
حبيب حسين
غريب يا حسين
********
لمن طِحِت و استقبلت وجه الله
بدم الجروح الترعف
تعناك شمر الخنا و سيفه بيمناه
لقطع النحر متلهف
و عالنحر من وصّل السيف و خلاّه
سيف الشمر ظل يرجف
هالسيف ظل يبچي على نحرك و دماه
و على الجراح التنزف
بكت عليك عيونٌ سيول
و تراب بادية الطفوف في خطبك المعروف
تريب حسين
غريب يا حسين
*******
عن جثتك يا حسين راسك فصلوه
جسمك صريع مترَّب
تراب الأرض يبچي على حالك خلاّه
بموجة دماك تخضّب
و الشمس من شافت وريدك قطعوه
بالحزن ظلت تلهب
راسك براس الرمح لمن شالوه
حتى الرمح ظل ينحب
جرت عليك دموعُ الرماح
و بكتك بارقة الصفاح يا من إلى الأرواح
أديب حسين
غريب حسين
*******
والدك يوم الحشر هو الميزان
و بچفه حوض الكوثر
شلون انته ابنه تموت بالطف عطشان
چبدك ذِبَل و اتطفر
نهر الفرات اليوم منك خجلان
من چبدتك يتعذر
خلوك يمه بلا غُسِل بلا أچفان
مغسَّل بدم المنحر
ناحت عليك ضفاف الفرات
دمعٌ و موجٌ جاريات و أنتَ في الفلوات
خصيب حسين
غريب يا حسين

 

[صبر الفؤاد]

للعباس



للعباس اجت زينب طفل حسين وياها
تشچي من العطش حاله تجري دموع عيناها
******
طبت لعد صيوانه منها العين همّالة
تقله شوف عبد الله اشسوة العطش بأحواله
ياخوية يبّس لسانه ذبّل هرش دلاله
سوي لهل طفل چارة
يبن المايذل جاره
دمعتي عليه تتجارى
و أخاف ارويحته عليها ياخوية يلحق ظماها
********
شوف يدير بعيونه يتلفت لعد جودك
ترضى يموت عبد الله يابحر الجود بوجودك
ياخوية لمثل هذا اليوم النا ذاخرك عودك
تراه العطش ماذينا
غيرك من يروّينا
لَوَن اتعاين سكينة
من العطش يا عباس نار و تشب بحشاها
*******
ياخوية اطفال أخوك حسين كلها تصيح عطشانة
حر العطش ماذيها تتلوع لصيوانه
يا عباس أخوك حسين شنهي ذنوب رضعانه
عليها الماي يتحرم
و تتصارخ بالمخيم
ماتنهض يالمشيّم
تسل السيف بيمينك و تحورب على عداها
********
لمن شاف عبد الله شاف الدمع من زينب
تغير و انخطف لونه لاح الزعل بيه و اغضب
شال على المتن جوده و سل بچفه المذهّب
لاح بظهر ميمونه
دار لزينب عيونه
الماي العدى يمنعونه
لجري لچ رحاها اليوم يا زينب من دماها
*********
ياختي خيمتج ردي بشري اطفال اخوية حسين
خليهم يتانوني و آنة الماي أجيبه الحين
قامت زينب تهلهل شبحت عالطريج العين
لمن شافته الفرسان
مجبل للحرب زعلان
صايح صاح بالجيمان
وين اليوم منواكم لفّت كل رواياها
********
أخد له ويا العدى ساعة لن واحد قطع يمناه
أخذ سيف بيساره و قام عن جوده يرد عداه
صابوا بالسهم عينه ياويلي و ثنّوا يسراه
وقف و مقطعة زنوده
و صابوا بالسهم جوده
لن واحد بعاموده
ضرب راسه وقع مرمي وهاشم فقدت لواها

[صبر الفؤاد]

يبن الكرار


هذا انته يبن الكرار أول بنيني
وحدة من الاثنين اختار مهجتي و عيني
و اقبل هديتي يبني اقبل هديني يبني
اقبل هديتي يبني اقبل هديتي يبني
و اقبل هديتي يبني
**********
يا أول شبل للأربعة الأشبال
و أبوك الاسد لو زمجر يصب زلزال
ورثت منه الشهامة و غيرة الأبطال
و مثله لمّن تزمجر تهز جبال
اشتطلب يا عباس انطيك هاي آنة أمك
بحسين أخوك ارد اوصيك ضحي له بدمك
و احفظ وصيتي و احفظ وصيتي يبني
********
يالهفة صدر مابطلت ونته
وصية وياك يامن للعهد صنته
أخوك حسين گلبي و الضلع انته
بيك حسين أحفظه و بيك أمّنته
ياوليدي سجّل بدماك عهد الوصية
من توفيه يصبح فرگاك هيِّن علية
تهوِّن رزيتي تهوِّن رزيتي يبني
**********
من تمشي الضعينة و انته تحديها
تكفِّل بالعقيلة و صير واليها
جفن للعين انته و بيك اغطيها
و صبي عيني زينب و انته تحميها
انته الجفن هية العين احرس نظرها
بالمنحر و بالچفين احفظ خدرها
و احرس ثنيتي احرس ثنيتي يبني
********
إذا شفت العطش جمراته تتلفع
أريدك انته تروي العيلة و الرضّع
اخذ جود السقاية و للنهر اطلع
و إذا متحيب ماي وياك لا ترجع
ماغيرك اليطفي النار نار الرزية
طبع الوفى بروحك صار اوضح سجية
تعرف سجيتي تعرف سجيتي يبني
********
احفظ هالوصايا بينك و بيني
ياعباس بحياة حسين تحييني
إذا عينك عزيزة هاك اخذ عيني
و إذا چفين رايد هاك اخذ چفيني
كل شي الذي تريده يهون بس توفي وعدك
عمري ويا عمرك مرهون هاي آنة بعدك
انطر منيتي انطر منيتي يبني

[صبر الفؤاد]

يا دنيه



مسلم اشما للقلب من دنياي ...... يا دنيا
مسلم اظل طيِّب أظل و الدين ....يا دنيا
مسلم يصب دمع المصاب أطفال
مسلم يا ريت الصار بيهم صار بية...يا دنيا
يا ريت الصار بيهم صار بية
---------------
يا دنيه ماظل والي
يا دنيه حتى أطفالي
يادنيه راحوا تالي
يادنيه هضموا حالي
*********
باكوفة مسلم وحده *** مابيها ناصر عنده
عدوانه خانوا عهده*** و بصبره باذل جهده
بالغربة حفروا لحده *** ماتطفى جمره فقده
و أطفاله تاهوا بعده *** راووها نفس الشدة
اولادي و آنة أمهم
أولادي سفكوا دمهم
أولادي محد يمهم
اولادي شغلوا بالي
*********
ماننسى حالي العترة *** شفناها فوگ الغبرة
سيدها گطعوا نحره *** الخيالة داسوا صدره
و اعياله جثمت حسرة *** عالوالي تجري العبرة
و أطفاله هالمنذعرة *** مرعوبة صوب الگبرة
طفليني هم وياهم
طفليني ما أنساهم
طفليني وين ألقاهم
طفليني تتراوى لي
********
بدموعي عنهم اسأل *** ياديرة محد يندل
دلالي ظل يتأمل *** عالفرگة ما أتحمل
لن ناعي صاح و رتّل *** طفلينج بلا معقل
ذبحوها يم الجدول *** و الثاني يم الأول
ما انسى و شلون اقدر
ما انسى دوم أتذكر
ما انسى هذا المنظر
ما انسى فگد الغالي
*******
أطفالي راحوا مني *** و ابگلبي جمرة وني
مهمومة خايب ظني *** و همومي مارحمني
محتارة بالطف لني *** لا والي ينشد عني
مخلوقة للهم چني *** و الوَنة صارت فني
أتمنى يگرب أمري
أتمنى يخلص عمري
أتمنى مسلم يدري
أتمنى يتعنالي

[صبر الفؤاد]

بنت البتول

بنت البتول الشافعة
لإبن الوديعة تودعه
بين الخيم
صرخة ألم
ضلع أمك اليوم انهشم
********
بدرين واحد بالأرض و الثاني بأعنان السما
رغم الضوى و رغم الشعاع اللي يشع هالدنيا أمست مظلمة
ليل و سكون ووحشة يرسمها الدمع انجمعن ودايع فاطمة
بلهفة وداع و جمرة گلوب و ضمى و بين ايد أخوها اتماثلت أم الخدر و اتكلمه
و شتكلمه لاهو صبر لاهو بچي و لا هية سكتة و لا چلمة
تحچي ويا أخوها بالإشارة و الوِمة و تقول له روحي غالغصص متعلمة
بين ايدك اشعر گلبي يا حسين ارتمى
چني اسمع ناعي نعى
و لوّح نذير الفاجعة
بوجهي انشهر
سيف القهر
سلّمت روحي للعدم
********
وداعك جمر لا بل أحر من الجمر
يبن أمي بس هالليلة ماظلت سواها بالعمر
و من يجزي هذا الليل و الأبيض يطر
تتفتح باب جروحك و تتغلق أبواب الصبر
و اصرخ إذا جسمك البيض توذِّره و راسك على روس السمر
أصرخ صريخ الثاچلة الماتدري تمشي اليا كتر
اليوم افقدت جدي النبي اليوم انطبر فارس بدر
و اليوم بالباب انهشم ضلع أمك الزهرة الطهر
و الليل آه الليل و همومه اشكثر
من يجزي هذا اليوم و الأبيض يطر
أنظر جثث متبضّعة
بالمشرفية موزّعة
و الدم يصب
فوق الترب
تصنع عواميد الشيم
********
ويلاه يا ليل الكدر ويلاه يا ظيم الدهر
ويلاه يا گلبي اشكثر تحمل قهر
يبن أمي لو شفتك ذبيح و عالغبرة جسمك من يطيح و لو عاينت دمك يسيح و ينزف مصبه من النحر
عالتل أجيك اصرخ و اصيح انْهَض يبن هيبة مضر
ادرك خواتك خوية داهمها الخطر
هجمت خيول بلا عدد جمر و الجمر بخيمنا استعر
و كل حافر يسحج طفل يذكرني بضلع امنا الوديعة من انكسر
بين الحريم اللايعة
يبن اليتامى الفازعة
أبدي الورع
و بلا جزع
أتوزّم بدمعي الحرم
********
يبن أمي بعيونك شفت كل حرف من وصيتك
عن رگبتك باچر ياخوية بالدمع أغسل نزف دم رگبتك
عن جثتك گلبي احفره و بالگلب أدفن ياخوية جثتك
عن عيلتك لو حرقوا عليها الخيم دلالي خيمة لعيلتك
باچر لَوَن تريب و فوق الترب جسمك سليب ما أگطع عليك النحيب بكب دمعي أبچي لفرقتك
آنة الغريبة يالغريب حرقتني جمرة لوعتك
باچر خواتك هارعة
بهاي الصحاري الشاسعة
من ينشهر
سيف الغدر
تتقطع بنود اليمم

[صبر الفؤاد]

شيعتي يا كرام

شيعتي يا كرام يا عظامَ المقام
فاندبوا يا حسين بفؤادٍ حزين
*********
شيعتي إني غريبٌ بين أقوامٍ بغاتِ
و أنا الضامي و أُسقى من كؤوسِ النائباتِ
قطعوا رأسي ظُلماً بسيوفٍ مرهفاتِ
رفعوه بعد قتلي فوق اطراف القناتِ
ذاك رأسي مُشال في رماحٍ طوال
و قطيعُ الوتين بفؤادٍ حزين
********
شيعتي إن غاب عنكم في سماءِ الموتِ فرقد
فاذكروا الاكبر لما غاله السيف المجرد
و قتيلا فوقه الارماحُ و الأسيافُ سُجّد
و به قد صرعوا فوق الثرى جسمَ محمد
و شبيهُ الرسول وطأتهُ الخيول
و فقدتُ البنين بفؤادٍ حزين
*******
شيعتي ما إن سمعتم من منادي وا أخاهُ
فاذكروا العباسَ لما قُطعت منه يداهُ
جئتهُ نحو الفراتِ قاصداً كيما أراهُ
فوجدتُ الجسدَ الطاهرَ تكسوهُ دماهُ
فاهتفوا بانكسار اين ذاك اليسار
أين ذاك اليمين بفوادٍ حزين
********
شيعتي ما إن فقدتم من غلامٍ ذي مكارم
فإندبوه بدموعٍ و اذكروا لوعة قاسم
هو كالبدرِ تجلّى و جلّى تلك الغمائم
بدل الاشمعِ قد زُف بأطراف الصوارم
غاب ذاك الهلال في بروج القتال
غاب نور اليقين بفؤادٍ حزين
********
شيعتي ما إن فقدتم من رضيعٍ و هو ضامٍ
فاذكروا طفلي لما قتلوه باهتضامِ
بدل الماءِ سقوه من أنابيب الحِمامِ
بأبي من ذاق طعم الموت من قبل الفُطامِ
ذاك نحر الرضيع فاض منه النجيع
و دفنت الجنين بفؤادٍ حزين
*******
شيعتي ما إن شربتم عذبَ ماءٍ فاذكروني
أو سمعتم بقتيل أو شهيدٍ فاندبوني
فأنا السبط الذي من غير حرمٍ قتلوني
و بجرد الخيل بعد القتلِ عمدا سحقوني
ليتكم حاظرون للنداء تسمعون
هاتفاً بأنين بفؤادٍ حزين

[صبر الفؤاد]

جــــديد محرم 1427 ه]
إصدار قوس السماء

قوس السماء
مثل مايفتح القاري بيده طيّات الكتاب
شوفتك يا هلال تفتح بالگلب جرح العذاب
من أشوف أمواج نورك اشهگ بعلو السحاب
شهگة العطشان لمن ينظر أمواج السراب
********
طفح الدمعُ و قال أنت قوسٌ أم هلال
لستُ أدري أشعاعٌ جاء منك أم سهام
كلها قد نفذت بالطفِ في قلب الإمام
و هنا جاء السؤال أنت قوسٌ أم هلال
و هنا جاء السؤال أنت قوسٌ أم هلال
*********
مثل مايفتح القاري بيده طيات الكتاب
شوفتك يا هلال تفتح بالگلب جرح العذاب
من أشوف أمواج نورك اشهگ بعلو السحاب
شهگة العطشان لمّن ينظر أمواج السراب
يا هلالاً في الظهور تملأ الدنيا ثبور
ليس في دنيا الرزايا يبعث الحزنَ سواك
ليت أمي لم تلدني ليت عيني لا تراك
و سؤالي لا يزال أنت قوسٌ أم هلال
********
من أشيل الماي بيدي چني واگف بالطفوف
تنرسم بالكاس صورة خيل و رماح و سيوف
شلون هذا الكاس يجمع جيش حاشد بالألوف
عجبة و الاعجب لهيب الخيم وسط الماي أشوف
يا هلالاً و اراك كنتُ في الطفِ هناك
توسعُ الأجساد رمياً و هي في ذاك العراء
ليت شعري أنبالٌ منك تأتي أم ضياء
فإذا كانت نبال أنت قوسٌ أم هلال
*********
أرمي كاس الماي و اشرب دمعتي بكاس النياح
و أنتحب يا هلال و أصرخ صرخة بلسان الجراح
ريت قبل حسين جسمي اتشجّر بسمر الرماح
و ريتها تصافح وريدي كربلا بيض الصفاح
أندبُ السبط القتيل بنحيبٍ و عويل
رأسه فوق العوالي جمسه في كربلاء
و سهامٌ تتوالى منك يا قوس السماء
كيف أرديت الجمال أنت قوسٌ أم هلال

[صبر الفؤاد]

حيرني


حيرني الدهر بحسين و علية ثقل همه
لا أقدر أعوفنه و لا أقدر أظل يمه
*********
شلون أمشي و أعوف حسين جسمه موسّد الغبرة
و ابحَر الشَمِس عاري و دمه يسيل من نحره
ياهو يغسله خلافي و ياهو ينزله بگبره
و ياهو يوسده بلحده و يشلع سهم اللي بچبده خنصره لچفه يرده
جسمه العلثرى مطشّر ياهو اليظل و يلمه
********
شلون أگدر أظل وياه و هاي النوگ جابوها
يردوني حرم للشام عگب الخِدِر يسبوها
ياهو اللي يباريها لو رادوا يمشّوها
و هية بس جمع نسوان عدهن مابقت وليان بس واحد بقى وجعان
جسمه من المرض بالي و لا بيه عالرچب همة
********
شلون أمشي و يظل عباس مرمي على المسناية
يمه مقطگّعة زنوده و يمه الجود ويا الراية
شگله اللي يگلي وين حامي الظعن و الثاية
أگله على النهر نايم يمه العلم و الصارم مايرضى گمر هاشم
أروح ويا الغُرُب يَسره و يبگى عالنهر جسمه
********
چفلني و جابني وياه و عاهدني يرد وياي
شلون أمشي و يظل عباس مطورح على نهر الماي
ما و الله علية يهون أمشي بيسر ويا عداي
شگله لو يناديني يا زينب ليش عفتيني تمشين و تخليني
و آنة مگطعة چفوفي جسمي مخضّب بدمه
*******
شلون أبگى و أشوف الروس شالوها العدى على رماح
و أسمع للحَرَم حَنة و گبّر لليتامى صياح
ياهو الينزل يرچبه من عدهم طفل لو طاح
و آنة اتچفلت بيهم أرچبهم و أباريهم شلون أبگى و أخليهم
هاي اتصيح يبن أمي ذيچ تصيح يا عمة
**********
شلون أمشي و أخوية حسين عيني تشوف چتاله
و أشوف على الرمح راسه يعاين ذلة أطفاله
و الله تحيّرِت يا ناس بالمظلوم و عياله
لو أگدر أظل وياه و اعوف الحَرَم ويا عداه و لا أگدر على فرگاه
عساني لكربلا لا جيت و أتحير بأبو اليمة

[صبر الفؤاد]

أمـسى المـسـه والـنـار مـا خـلـت لـنـا اخـيــام.....صـيوان مـا ظـل تـلتجي و ظـل لـهـا الأيـتــام

*****

أگـبــل عـلـيــه الــلــيـل و ازدادت الـوحـشــه.....مــا شـوف غـيــر ايـتــام تـتصارخ بـدهـشــه
شيخ العشيـرة احـسـيـن مـا حـد شـال نـعـشــه.....مطروح و ابـجـنـبـه علي الأكـبــر و جــســام

*****

عباس عندي البارحـة يـحـوط الـصـيـواويــن.....يـامـر و يـنـهـى و إخـوتـه كـلهم مـسـلـحـيــن
و الـخـيـل مـسـروجـة و أهـلـهـا مـستـعـديــن.....مـصـغـيـن لـلـصـايـح و لا مـنـهـم جـفـن نــام

*****


و احـسـيـن مـن يـسـمـع بـجه ابخيمه دخلـهــا.....يسلـي الـحـرمـه و يـاخـذ ابــصـدره طـفـلـهــا
بـاتـت خـيـمـنـا امـطـنـبـه و تـزهـي بـأهـلـهـا.....وصيوان أخويه احسين حوله اترفرف أعـلام

*****


و اصبحت و اشبول الهواشم حولـي اوقــوف.....و امسيت ما لي اقـناع و اتـسـتر بـالـجـفــوف
ويـاي يتامـه اقـلـوبـهـا طـارت مـن الـخــوف.....ويــن الـمــعــزه او ويــن زهـوة ذيـك الأيــام

*****

اصبحت وحولي اسباع وامسيت اصفج الكف.....و انـظـر جـنـايزهم عرايه ابعـرصـة الـطــف
باجـر يـركـبـونـه الأعــادي اجـمـال عـجــف.....درب طــويــل و نـبـتـلـي ابــعــدوان ظــــلام

*****

قـلـهــا عـلـي الـسـجــاد يــا عــمـة شـجـانـــي.....حالـج و انـا مـا اقـدر اتـحـرك مـن مـكـانـــي
صـاحـت يـا نـور الـعـيـن عتبي اعله زمانــي.....الـي عـلـي الـكـرار أبـوهـا اشـلـون تـنـضــام

*****

و الـه الـمـصـيـبـه ضـجـت الأيـتـام حـولــــي.....الـوعـد الـصـبـح جـان العـده شـدوا ذلـولــــي
و اعظم مـصيـبـة جـان قـاد الجمـل خـولــــي.....ساعـة الـقـشـرى جـان راح الـظـعـن لـلـشــام

*****

[صبر الفؤاد]

يـا شـيـعتي رغم إعداي.....وگـت الـعطش ذكرونــي
كـل مـا تـشربون المـاي.....وگـت الـعطش ذكرونــي

*****

يـا شـيـعـتـي وقـت الـشـرب ذكــرونـي.........دلالــي ظــامـي
عــدوانــي مــن مــاي العذب حرموني.........حــرموا أيتامي
آنــه الـذبـيـح إبـلا ذنـب ســلــبــونــــي.........والـجـسم دامي

بـدمع الحزن والأشجان.....يـا شــيـعـة لا تـنـسوني
آنـه الـغـريـب العطشان.....وگـت الـعطش ذكرونــي

*****

يــا شـيــعــتي نـار العطش بين احشاي.........تـلـهـب وتسري
قـلـبـي انخمش فكري اندهش من دنياي.........و اليدري يدري
فـوق الـتـرب خدي انفرش خيل اعـداي.........هشمت صـدري

يـا شـيعتي ابجرد الخيل.....عگب الچـتل سحگوني
جـمر العطش هد الحيل.....وگـت الـعطش ذكرونــي

*****

شـــيــعــتــي و لـو يوم انفقد منكم شاب.........عــنـكـــم تـأخــر
ذكـروني من شفت الولد جسمه انصاب.........بــالــــــدم تـعـفـر
غـابـت الـروح مـن الـجـسـد لـمن غاب.........عن عيني الأكبر

لـفـراق الأكـبـر مـا لوم.....و انـخـمـد نـور اعيوني
آنـه الـوحـيـد الـمـظـلوم.....وگـت الـعطش ذكرونــي

*****

يـفــقـد عـضـيـده وبيه غدر هضم البين.........جــور الـفـجـيعة
خل يذكر امصـاب الـقـمـر و الـجـفـيــن..........ظــلـت قـطـيـعة
بـيـن الـعـدة و سـهـم القدر صاب العين.........يــم الـشــريـعـة

حـيـلـي انـهدم عالعباس.....خـابـت عـلـيـه اظـنــوني
ابـفيض المدامع يا ناس.....وگـت الـعطش ذكرونــي

*****

لـو شـفـتـوا عـريس انفجع و الأحــزان.........زيــــدت هــمـه
ذكـروا بـجـاسم مــن وقـــع عــالـتربان.........و الــحـنـه دمـه
ابـدال العرس نحره انقطـع و الـعـدوان.........وذرت جــسـمـه

ابـدال العرس دمــه يــسـح.....و امـصـابـه غـــير لــونــي
چني اسمعت صوت ايصيح.....وگـت الـعطــش ذكـــرونــي

*****

شـيـعـتـي و لـو مـنـكـم طفل قلبه يذوب.........و يــنقطع نحره
يــذكـر رضـيـعـي الـمنقتل بلايه ذنــوب.........و بـقـلـبـه جمره
عـبـد الله نحره منفصل و عـالـمصيوب.........نــسـجـب العبره

بـعيني شفت طفلي انصاب.....يــا شــيـعـة لا تـلـومـونــي
چــبــدي انـفـجع قلبي ذاب.....وگـت الـعطش ذكـــرونــي

*****

و لــو شـفـتـوا عـيـلـه امـحيرة و الأيـام.........جـارت عـلـيـها
اتــذكــروا اعـيـالي اميسرة ابدب الشام.........و اغـدروا بـيها
و الـحـرم مـدمـعـهـا جـاره اعله الأيتـام.........و امـيـسـريـهــا

و اتـنـادي زينب بدموع.....مـنـهـو الـيشد اضعوني
جاوبها راسي المقطوع.....وگـت الـعطش ذكرونــي

*****

[صبر الفؤاد]

طــفـــلــة و شــفــت حــيـدر جدي.....امـــن ارض الـنجف حاضر عندي
و ايــگـلــي كــل اهـلــچ مــيــتــين.....يــا طــفــلــة الــمـــن تـــنــتـظرين
امــن ارض الـنجف حاضر عندي

*****

مــن عــيــني حوض الكوثر ايصب أنهار
قــلــبـــي جــهــنــم بــالــحــزن يـلـفح نار
ابــهــالــحــالـه جـيت اقعدت يم باب الدار
أتــرجـــه مــن الأهــل تــوصــل أخــبـار
مــا شـــوف لـــن فــارس اجه يثير اغبار
لــمـــن وصــل لــن شــفــته جدي الكرار

ابــنــظــراتــه ظــل يــتــأمــلــنــي.....يــمــســح دمــعــتــي و يـسـألــنـي
لــيــش الــدمــع عــيـــنــچ تجريـن.....يــا طــفــلــة الــمـــن تـــنــتـظرين
امــن ارض الـنجف حاضر عندي


*****

يــحــاچــيــنــي و ابــوجـهه الحزن يتستر
و ابــصـــخـــرة اعــيــونــه الـدمع يتكسر
و ايــقـــول عــن وجـهچ عسه ابعيد الشر
اتــعـــرفــيــنـي منهو او ليش قاطع هالبر
يــــا طـفـلـة جــدچ آنــــه جـــدچ حــيــدر
أحــضـــر الــشــده اشـلون إلچ ما أحضر

للــشــده أحــضـــر مـــن يـــومــي.....جــيــت و أنــشـــدچ بــهــمـــومـي
مـذهــولــة لــيـش و تــلــتـــفــتـين.....يــا طــفــلــة الــمـــن تـــنــتـظرين
امــن ارض الـنجف حاضر عندي

*****

يــا طـــفـــلـــة جـايـب لچ خبر ما ينصاح
يــخـــلــي الــدمــع مــن نـاظرچ دم يطفح
ابـمـسـحـة عـطف بيدي اعله راسچ أمسح
مــن مــســحــة ايـدي هـالـخـبـر يـتوضح
بالطف هـلــچ ظــلــت دمــاهــم تــســفــح
و كـــل جــســد متن عدهم صريع ابمذبح

اجــســوم إخـوتـچ بـالطف صرعه.....اشــتــنــفـــع بــعــد هــاي الـدمـعه
و ابــكــســرة الـخـاطـر تـبـچــيــن.....يــا طــفــلــة الــمـــن تـــنــتـظرين
امــن ارض الـنجف حاضر عندي

*****

يا طـفـلـة بالطف قضت كــل الــفــتــيــان
أولاد عــمــچ و خــوتـــچ بـــالــمـــيـــدان
صرعه و عليهم يسـفــي ذاري التربــــان
حــتــى أعـــمـــامــچ إلــهــا الـمـقدر حان
هـــذا ذبــيـــح ابـــلا غــســل ابــلا أچفان
وذاك اعله جرف المشرعة ابلا ذرعـــان

طـــول إنـــتــظــارچ مـــا يـــنـفــع.....و انــتــي اعــلــه نــارج و الـمدمع
تــتـــلـــفــــتــيـــن ايـسـار ايــمـيـن.....يــا طــفــلــة الــمـــن تـــنــتـظرين
امــن ارض الـنجف حاضر عندي

*****

جــاوبــتــه و ابـصـدري انـحدر سيل الهم
لا شـــك دلــيــلــي اعــلـــه الأهــل يـتـألم
لاجـــن يــهـــون امــصــابـها و سفك الدم
لا زال أبــويــه احـسـيـن حـي مـا أهــتــم
جـــاوبــنــي جـــدي جــســم ابـوچ اتـخذم
صـــدره ابــحـــوافـــر خــيــل أميه اتهشم

بـــالـــحـــافـــر الــعــســكــر داسه.....فـــوق الـــرمـــح شــالـــوا راســه
و عـــالــغــبــره جسمه ابلا تچفيـن.....يــا طــفــلــة الــمـــن تـــنــتـظرين
امــن ارض الـنجف حاضر عندي


*****

من كل هلچ يـا طــفـــلــة واحـــد ما ظــل
إلـــمــــن بــعــد قــلــبـــچ يــظــل يــتأمل
لازم ضـــمـــيـــرچ لــلــغــصـص يتحمل
و تــتــصــبــريــن اعله المصاب الي حل
رب الــجــلالــة ابــحــــالــــتـــچ يـتـكـفل
بــشـــر الــصــابــر بــالــكـتــاب الـمنزل

جـــاوبــتـــه صــوتــك صــبــرني.....لاچـــن ســــؤالــــك حــيــــرنــــي
و يـــظـــل يـــراودنــي ابـكل حين.....يــا طــفــلــة الــمـــن تـــنــتـظرين
امــن ارض الـنجف حاضر عندي

*****

امن ارض النجف يا جدي من قبرك جيت
ابــمـــوت الأهل وش هالخبر البيه وافيت
شمعة البيت انــطــفـــت و أنــحـب ظليت
يحرم عليه انــچـــان أطــب هـــذا الــبيت
چــنــت أنــتــظــر أهــلــي تـرد و اتمنيت
صــرت أنــتــظـر موتي و أموتن يا ريت

دمـــعـــة حـــــزن عـيـنـي اتــهلها.....و أحــچــي اويــه روحـي و اسألها
غـــيــر الأجـــل عـقـب الـطـيـبـين.....يــا طــفــلــة الــمـــن تـــنــتـظرين
امــن ارض الـنجف حاضر عندي

*****

[صبر الفؤاد]

إن قــتــلــونــا ، أو تــركـــونــا.....فـــالأمـــــــر مــــــــوحـــــــــد
دمـــنـــا قـــرر ، لـــن نــتــغير.....عــــــــــــن آل مـــــحــــمــــــد
بــكــم نطقنا..............يــاحــســيـن
لــكــم خـلقنا..............يــاحــســيـن

*****

بــاريــنــا بــالــتــطــهــيــر أنـزل آيات
و انــتــوا جــعــلــكـم أطهر المخلوقات
حــبــكــم يــنـزه كـل ضمير و كل ذات
يــحــســين و إحنه نعوف حبكم هيهات
انــتــوا الــشـموس التجلي غيم النكبات
و احـنـه الأنـصار انضحي يوم الكلفات

لا يـــغـــريــنــا ، لــو أعـطـيـنا.....مـــــلــــكـــــوت الـــــدنــــيــــا
لا نـــتـــركــكــــم ، إنــا مـعـكم.....ســـنــــمـــــوت و نــــحــــيــــا
فــمـا افترقنا..............يــاحــســيـن
لــكــم خـلقنا..............يــاحــســيـن

*****

أهــل الــبــصـــيـرة اتفسر الحب ألوان
و اتــقـول طبع الحب صفة ابكل إنسان
واحــد يــحب عن عاطفة و بـس السان
واحــد يــحــب نـاتـج عــقــيـده و إيمان
و لــو فـتـشــت أرواحــنــه و الأبـــدان
تــســمــع نــبــض حـبـكم إبدم الشريان

نــحــن نصارح ، هدف واضح.....دونــــــــــك مــــــــــغــــــــزاه
بـــــولايـــتـــكــم ، و مـودتـكـم.....يـــــأمــــــرنـــــــا الـــــــلــــــه
لـــذا عـشقنا..............يــاحــســيـن
لــكــم خـلقنا..............يــاحــســيـن

*****

بــاريــنــه حــجــه اعـلـه الـخلق خلاكم
و احــنــه بــعــقــايــد ثـابـتـه نــهـواكـم
انــتــو يــنــابــيــع الــعــمــر شــفـنـاكم
و احــنــه الأراضــي الـيـابـسـة لولاكم
يـحــســيــن مــثــل الــهــوه احتاجيناكم
و نـمــوت لــو لــحــظــات فــارقـنـاكم

أنـــت حــيــاتـي ، تـسـكن ذاتي.....بـــــــــــل إنـــــــك أقــــــــرب
بــــــإرادتـــنــا ، لــــشــهــادتنا.....شــــــوقــــــــا نــــتــــــرقــــب
نـحن صدقنا..............يــاحــســيـن
لــكــم خـلقنا..............يــاحــســيـن

*****

اقــريــنـه ابـكـتـاب الشوق يبن المختار
شـفــنــه الــمـحـبـه الحره تطلب أعمار
عفنه الأهل عـفنه الــحــلايــل و الــدار
و جــيــنــاكــم ابـشوق الزرع للأمطار
ابــشــوق الــحــمــايـم من ترد للأوكار
ابـشــوق اللــيــالــي الــمـظلمة للأقـمار

لـــــو أحـــرقـنـــا ، أو مـزقـنـا.....بـــــســــيـــــوف الـــــغــــــدر
حــبــك يــشــهـــد ، لــن نتردد.....و خـــصـــومــــــك تـــــــدري
بــكــم لـحقنا..............يــاحــســيـن
لــكــم خـلقنا..............يــاحــســيـن

*****

انتوا الأرواح و احـنــه يـحسين اجسوم
مــن غــيــركـم صعبه العمر النه ايدوم
انــتــوا شـرايــيــن الـقـلـب يــا مظـلوم
اشلون القلب يتـحـرك ابـغــيــر ادمــوم
هالوادم اتراب الأرض و انـتـوا انـجوم
انـحـبـكـم و طـبـع المحب ميخاف اللوم

بـضـمـائــرنــا ، و مـنــاحــرنا.....ســـــنـــــخـــط الــــعـــــهـــــدا
لــعــقــيــدتــنــا ، نـعـطـي دمنا.....و نــحـــــوز الــــــمــــــجـــــدا
بــكــم عـتقنا..............يــاحــســيـن
لــكــم خـلقنا..............يــاحــســيـن


*****

قـلـب الـيـحـبـكـم يـحـمل أربع أوصاف
حــب و إراده و مــعــنــويـه و إنصاف
و اللــي يــهــز قــلــبــه رنـين الأسياف
لا تــعــتــقــد يــقــدر يــحــقــق أهداف
راعــي الــهــدف يــوم الشدايد ميخاف
يــرخــص حــيــاتــه للــقيم والأعراف

نـحــن نــعــاهـد ، سوف نجاهد.....و الــــعــــالـــم يـــــســـــمــــع
قــســـمــا قـسـما ، نمضي قدمـا.....لــــرحـــــاب الــــمـــصــــرع
نـحن استبقنا..............يــاحــســيـن
لــكــم خـلقنا..............يــاحــســيـن

*****

نــار الــمــنــايــه مــن اعــداك تـشعلها
بـــرد و ســلــم بـــســيــوفـنـه انـحولها
كــل رمــيــه يــرمــوك احـنـه نستقبلها
و قــبــلــك نـخـوض الملحمه و نـدخلها
و خــيــامــكــم كــعــبــة شرف نجعلها
اشـحــده الــيــدوس حــدودها ويوصلها

نـحـن نـقــابــل ، كـل مــقـاتــل.....بـــصــــمـــــود الـــــقـــــلــــب
ســـوف نــناضل ، ضد الباطل.....فــــي ســــــــوح الـــــحــــرب
دمـا نـفـقـنــا..............يــاحــســيـن
لــكــم خـلقنا..............يــاحــســين

*****

[صبر الفؤاد]

تـلـطـم الـنـاس صـدورا بالكفوف.....و أنـا ألـطـم رأســي بـالـسـيـوف
كـي أواســي بــالـدماء الجاريات.....جسدا ملـقى على أرض الطفوف
هـذه الأسـيـاف مـرئـى كـل عين.....إنـهـا بـيـضـاء تـزهـو كـاللجـيـن
و غــدا تـكـسـى بثوب الإحمرار.....مـن دمـاء آمـنـت بـسـم الـحـسين




نـطـبـر هامه بسيف و قامه.........نـنـزل مـوكـب لـلـتـطـبـيـر

*****

حــيــدر صــحــنــه و بـي آمنه.....حــيــدر مـــحـــراب الإيــمــان
حــيــدر نــور و عــزه و هـمـه.....حــيــدر ســيــف اعـله الطغيان
حــيــدر عـزم و جـود و حكمه.....حــيــدر دلـــيـــل و بـــرهـــان
حــيــدر عــزم و لـيـن و رحمه.....حــيــدر مــدرســة الــرحــمــن
حــيــدر آيـــة حــق مـشـهــوده.....حــيــدر عــايـــش بــالـوجـدان

حـيـدر آيــه تــرف ويــانــه.........بـسـمه نصيح اصغير اكبير

*****

احـسـيـن وحبه اويه الدم يجري.....احـسـيـن و لـجلـه انـجر قامات
احـسـيـن وعشاق احنه و تدري.....احـسـيـن و نـضـرب عالهامات
احـسـيـن و نـفـديه بالروح احنه.....احـسـيـن و نـطـلـب لـك ثارات
يحـسـيـن نــفــوز بــحــركـتــنـا.....يحـسـيـن انـطــوف الــسـاحات
يحـسـيـن إسـمـك هــايـج بـيـنــا.....احـسـيـن و لــجـلك هالصيحات

احـسـيـن و حـبك هالسودنه.........كـل احـنـه بـهـالـعاده انسير

*****

عطـشان اقـضـيـت انـته ابلهفة.....عطـشان اعـلـه الـشـاطـي ذبيح
عطـشان و جـمـرة اتـحس قلبك.....عطـشان و بـالـقـوم تــصـــيــح
عطـشان و مـا تـقـبـل تـخـضـع.....عطـشان و تـــذريـــك الــــريح
عطـشان و دربـــك اعــلــنــتـه.....عطـشان و سـيـفـك تـصــريــح
عطـشان الــربــك نــاجـــيــتــه.....عطـشان و تــبــعــث تــسـبـيـح

عطشان ارويت النه قصيده.........هـالـيـوم اتـشـوف الــتـعبير

*****

يـغـريـب وغــربــت الـــعــالــم.....يـغـريـب و ظــل بــي مـحـتـار
يـغـريـب الـمــوقــف يـا فـارس.....يـغـريـب و ســيــفــك بـــتــــار
يـغـريـب و عــنــوان الـغـيــرة.....يـغـريـب و رمــــز الأحــــرار
يـغـريـب و حــيــلــه بـحيل الله.....يـغـريـب ابــعــزمــه الــقــهـار
يـغـريـب و طــايـح بـالـحـومـه.....يـغـريـب شـــع نـــور و نــــار

يـغـريـب و قــدم مـجـهـوده.........ضـحـه بـأهـلـه ابلا تقصيـر

*****

يـشـهـيـد و خـلـدت بـأفـكـارك.....يـشـهـيـد و لـلـحــكــمـة بـحـور
يـشـهـيـد و نـازف بــجــروحـه.....يـشـهـيـد اجـروحـه اتـشـع نور
يـشـهـيـد اهـديـت الـنـه مشاعل.....يـشـهـيـد و حـرب اعـله الجور
يـشـهـيـد و شـــردت عــدوانــه.....يـشـهـيـد و دم نــحــره ايــفـور
يـشـهـيـد و بــــدروب الــــوادم.....يـشـهـيـد و قــبــره مــحــفـــور

يا شهيد انطـيـنـاك الـبـيـعـه.........مــا نــنــزعــهـا لو شيصير

*****

[صبر الفؤاد]

العليلة(شريط اقصدوني)

العليلة تنوح على المذبوح**بقلب مجروح تحاجي الليل
*********
مثل ما أنزل الباري كتابه و بلَّغ المرسل
نِزَل آية بعد آية و كِمَل هالمصحف المُنزل
اجت عيلة رسول الله نفس هالحالة تتمثل
المحامل وصلت لطيبة و نزل محمل بعد محمل
العليلة تحوم بفزع و هموم**تِقَع و تقول عَلَي يا ويل تحاجي الليل
*********
العليلة تلقَّت العيلة تصد من واحد لواحد
تدوِّر وين أبوها حسين حَرَم و أيتام شتشاهد
عقب ما أيِّسَت رجعت مثل ما يرجع الفاقد
تِحِن حَن الهِجِن و تصيح آه يا فرقة الوالد
بفكر محتار اجت للدار**بدمع مدرار يباري السيل تحاجي الليل
************
جفنها عاشق العبرة قلبها يوالف همومه
بعد يا دار تحويها جمعها الليل بنجومه
على كل نجمة تِصِد لوعة و معالم نوح مرسومة
تقله شظل بعد يا ليل أبوية و منه محرومة
مهجتي تلوب مثل أيوب**عِماني هبوب غبار الويل تحاجي الليل
*************
الك يا ليل بعيوني علامة موَسِّمة بجمري
لَعِد بوابة الوحشة تلاقن صبرك و صبري
بعد يا ليل و شعندك تضيف لمحنتي و قهري
يتلامع بدرك و آنة صريع بكربلاء بدري
انذبح عطشان بلا أكفان**الكفن تربان عجاج الخيل تحاجي الليل
*************
بعد يا ليل ماعندي مهجة التقدر تلومك
صريعة بكربلاء نجومي و أنت ساطعة نجومك
يا موجة من بحر همي تغرِّق قلعة همومك
يا ليلي و يمتة عن وجهي تزيح مكابر همومك
حنانك مات يا أبو النجمات**و على العبرات أخذني الميل تحاجي الليل

[صبر الفؤاد]

ناحت سكنة(شريط اقصدوني)

ناحت سكنة و زينب يمها**و انشغلت كل وحدة بهمها
سكنة تذكرت عمها و ناحت**و زينب ذكرت نحر ابن امها
***********
حالة سكنة و حالة زينب**خلَّن قلبي و قلبك ينحب
قعدن وحدة تقابل وحدة**مانعرف يا حالة الأصعب
حسرة بحسرة و دمعة بدمعة**هاي التبجي و هاي التنحب
وحدة تخاطب وحدة و تسأل**جم كوكب من عدنا تغيَّب
بين الجمرة و بين العبرة**هامت كل وحدة بعالمها
**********
يا هو الأول تبدي و تشرح**خل نسمع بالدمعة التسفح
أول زينب شرحت همها**طاحت بالهم قلبي مجرَّح
من يوم اللي طاح ابن أمي**شفته موذَّر وسط المذبح
لليوم آنة و دمعي مناور**هو يفيض و آنة الأمسح
شقد يشابه نحر أبن امي**جرح عيوني الينزف دمها
***********
صاحت سكنة بمدمع يهمي**همج يا عمة بقد همي
يكسر ظهري الناقة مصابي**ما من طود اليحمل هضمي
طيف العباس يراودني**صرت أشعر ما مَيِّت عمي
أمشي و أهجس يمشي وياية**لمن أقعد يقعد يمي
أحجي و اسمه بطرف لساني**الله يعيني تُفقد عينه
*************
زينب صاحت حقج لمَّن** عالعباس عيونج يهمن
مو هَينة التفقد غاليها**جروح حسين بعيوني انرسمن
جن ما هشموا منه ضلوعه**أشعر جنها ضلوعي انهشمن
و منازع آنة و حسراتي**كل ما أنثرهن يلتَمَّن
شيجَمِّع حسرات مصابي**و دموعي السالت شيلمها
*************
أسمع شتجاوبها سكينة**غراب البين يحوم علينا
آه على الطايح علشاطي**و الموت أفرق بيني و بينه
كلما أمسح دمعة عيني**أذكر سهم الصَوّب عينه
كلما ألطم و بكل جفي**أذكر من قطعوا جفينه
كل عمود الهشَّم راسه**جن صوَّب روحي و ألَّمها