اول يوم بعاشوراء

[علي الصيدلاني]

اول يوم بعاشوراء...نلطم ونعزي الزهراء
نرفع رايات الاحزان...حسين وعباس العنوان
ونخاطب احنه الحوراء

يايوم الاول ذكرنـــــــي...بالعام الفات وي حسين
بالمجلس جنت ومــــتغرب...اتكت بحزن دموع العين
بالشام وي الحـــره انعزي...وياه احنه انشد احزامين
نخدم بالجــــاي ويالرايح...عاده وصارت من اسنين

صارت تدري بالوجدان...تسري بدمنه وعالحيطان
اسرع من يوم الاسراء

كل الشيعه تلبس اسود...ومهموم العالم بالصـاير
لن حســين يقدم روحه...يعد ايام وبــيه ايغادر
والاطفال وياهــم خدر...مهظومه من تمشي باجر
مسبيه زينب واخوته...والســــجاد وياه يناظر

للشمر الصاير ربان...ويحدي ويامر بالنسوان
اصبح يامر بالامراء

ولوتعرف هل اليوم وحزنه...حسين البلغ كل عياله
للترحال وحضر ضعـني...بلغ عبــــاس وكالاله
بلغ زينب تشـــد ارحال...وتشد هودج كل اطفاله
والطفله البلغه حسـين...بس هيه التبقه من رحاله

ظلت في وادي الاشجان...وتتنطر عودة خوان
ظلت طير بهل الصحراء

زينب طلبت من واليهه...بهذا اليــوم من العباس
كالتله ياســلوة روحي...ياخويه وتاج علىالراس
رايد واحد يتكـــفلني...ويحملني وي هاي الناس
كاللهه يااختي اتبشري...انه الكافل للنـــوماس

اقسم ألهَ بالقراءن...يفنيه اجموع الفرسان
وتتحدث عني الانباء
والسارو انصار حســــين...معروفه المعدن والغيره
مكتوبه اسماهم سيمــــاهم...ووجوه انكتبت للسيره
يا جون وعباس وي مسلم...والحر ماظل بهالحـيره
خيرت اصحاب المختار...نفس حسين ونفس الخيره

حسين البيهم سفان...وقائد الهم بالميدان
فرسان الطف النجباء
من سارت اصحاب حسين...كُلهَ احيود وكُلهَ ابطال
كل واحد ينشد بالثـــاني...ويتحدث عن الامـال
ابواب الجنه المفتـــوحه...واحدهم حيد ولو صال
والوصه ماوصــه بروحه...ولاوصه بمال واطفال

وصاه بحسين وحزنان...هاي وصيتي خويه الان
واتبشر احنه البشراء

منقول

 

[حيدريه]

بسْمِ اللهِ الْرَّحْمَنِ الرَّحِيِمِ
الَلَّهٌمَّ صَلَِ عَلَىَ مٌحَمَّدْ وَآلِ مُحّمَّدْ وعَجِّلْ فَرَجَهُمْ
وصل اللهم على فاطمة وبيها وبعلها وبنيها والسر المستودع فيها عدد ماأحاط به علمك
علي الصيدلاني
أجاركم الله على هذه النقلية المؤلمة لاتنسونا من الدعاء عند قبتي أبا عبدالله وأبا الفضل

خادمة أهل البيت
حيدرية

[علي الصيدلاني]

شرفنا مرورك ِ اختنا الفاضله

واني لم انساكم عند قبتي أبا عبدالله وأبا الفضل عليهم السلام اجمعيين وخاصة ليلة امس عند مراسيم تبديل الاعلام