عرض مشاركة واحدة
قديم 03-18-2013, 01:17 AM   رقم المشاركة : 1

معلومات العضو

شبكة جنّة الحسين
عضو نشيط
 
الصورة الرمزية شبكة جنّة الحسين
 

 

إحصائيات العضو







 

الحالة

شبكة جنّة الحسين غير متواجد حالياً

 


 

افتراضي يومين الك يا رجواي


 

يومين الك يا رجواي * ناشفه ارياجك عالماي
عبد الله زهرة دنياي * آيا مصيبة بلواي
عطشان يبني عطشان
----------
عالضمه يبني اشلون تگدر تِصبر - يومين الك ضامي يبو ستّ اشهر
ابيا عين الك ها يا رضيعي أنظر
صرخاتك اتفتّ احشاي * ناشفه ارياجك عالماي
----------
عطشوك يبني ابكربله أبشع ناس - كل ساعه يغمه اعليك وبهالأنفاس
وآنه ألوليلك ابإسم العبّاس
بضماك يبني واضماي * ناشفه ارياجك عالماي
----------
كل ساعه اشوطن بيك يا نور العين - من تسكت آنه گول مات ابن حسين
گلبك اشصغره وتعطش انته يومين
للباري أبعث شكواي * ناشفه ارياجك عالماي
----------
عبد الله يبني گلبك انته اشصغره - عالعطش هذا ابكربله شيصبره
السانك تطلعه اتدوّر اعله الگطره
ومنين الك تحصل هاي * ناشفه ارياجك عالماي
----------
صرخاتك انته لعد گلبي اتگطعه - وصدري نشف چا شنهو بعد اترضعه
حتى عيوني نشفت امن الدمعه
أرويك چان ابعيناي * ناشفه ارياجك عالماي
----------
الليله نعيش ابهمّي يبني وهمّك - وباچر تردلي سابح انته ابدمّك
حرمله الذَبحك يبني حظّر سهمك
باچر يذبحك رمّاي * ناشفه ارياجك عالماي

حيدر النجفي

 

الموضوع الأصلي : يومين الك يا رجواي     -||-     المصدر : شبكة العوالي الثقافية     -||-     الكاتب : شبكة جنّة الحسين


 

التوقيع


رد مع اقتباس