شبكة العوالي الثقافية

شبكة العوالي الثقافية (http://www.alawale.com/vb//index.php)
-   عـــاشوراء الحزن السرمدي (http://www.alawale.com/vb//forumdisplay.php?f=75)
-   -   من شعراء الحسين عليه السلام (http://www.alawale.com/vb//showthread.php?t=37918)

kaream 05-21-2016 02:40 AM

من شعراء الحسين عليه السلام
 
عبد الامير الفتلاوي
ولد في مدينة طويريج (قضاء الهندية) عام (1831م) وعاشر فحول الشعراء والادباء والخطباء في عصره ، وأقام بجوار عشيرته آل فتلة في منطقة المشخاب ، وصدر له ديوان (سلوى الذاكرين) في رثاء ومدح النبي وعترته الطاهرين وطبع عدة مرات.
وله ديوان مخطوط في الشعر الاخواني والوجداني والمساجلات بينه وبين شعراء عصره، توفي رحمه الله عام (1959م) وقد شيع بتشييع مهيب ودفن بمقبرة وادي السلام في النجف الاشرف.
آيبني
آيبني شگول اعليگ آيبني
دولبني زماني بيگ دولبني
دولبني زماني بيگ ياسلوه
شلون انساگ وانسه ايامگ الحلوه
اشهل بلوه مثلها ما جرت بلوه
آيبني لعند الموزمة اتذبني
تذب البيك تسعه من الشهر شالت
او نالت من ثجيل الحمل ما نالت
أمك جابتك يمدلل اوحالت
او يوم البي صرت ياشبل شيبني
شيبني اصيارك والهدم حلي
هز مهدك يشمامه او سهر ليلي
منك خابت أمك ليش ياويلي
اخر ما گلت حگها او تطالبني
أطلبك باللبن من درة الغذاك
أطلبك سهر ليلي والمنازع ذاك
نسيت ارباك يا جاسم نسيت ارباك
يمدلل سگمني ارباك واتعبني
أتعبني او سگمني وغيره اللوني
وعله صدري ربيت او مر عله امتوني
حسبت احساب واحسابي طلع دوني
عله راسي بيوت امشيده تبني
تبني البيت لمك والجعيده امك
تصابحني او تجيب الواجب ابصمك
ريت الگبر ضمني گبل ما ضمك
الموت الموت يبني اوياك يرغبني
يرغبني الكبر سني او شوفي ازهيد
حيلي راح مني والجريب ابعيد
يبني من تجي الشبان يوم العيد
يصير النوح يوم العيد يطربني
يطربني العزه والنوح بالهجري
يفي الصيف ياعذب الهوه اليسري
أخذني الكبر محنيه الظهر تدري
ابذله كبرتي يبني تسيبني
تسيب امك يجاسم من بعد عدها
عين الله على العريس واحدها
تريد اتناشدك دگعد او ناشدها
تكلك باليسر منهو اليرچبني
يبني الفاجدات اكثرهن امخلفات
ما تدري تموت ام الولد لو مات
يبني ارباي وينه او سهر ليلي الفات
يبني ليش ما تگعد تحاسبني


جميع الأوقات بتوقيت المدينة المنورة. الوقت الآن : 07:20 PM.

Powered by vBulletin Version 3.8.6
Copyright ©2000 - 2018, Jelsoft Enterprises Ltd.
Privacy Policy by kashkol